Mokokchung-i Jorhat nung timtemertem atema bilemtsür

Dimapur, July 12 (TYO) : Assam nung tzünglu kanga aruba ajanga tzümetsüng timtem ajuruba atema Mokokchung nung alir kari Assam nunger yaritsü atema senotsü lenmang bushir.
Facebook nung I Love Mokokchung group page nung züngsem kati iba asoshi olen ka sangoktsü aser ibaji nisung aikati pelashishia agizük.
Iba nung ajemdaker Members of I Love Mokokchung group züngsemtemi Assam nung talisa Jorhat nung tzümetsüng agi timtemer yaritsü atema angati kenten sentong ka ayongzüka alitsü telemtetba agi.
Iba sentongji July 16, 2016 nü ayongzüka agitsü aser iba nung aruba sen ajakji Assam flood relief fund nem tenla agütsütsü.
Iba dak sendakba osang tejangja metetnürtemi 986222555 / 7085613243 /8413884583 nung tongteprateptsü akok, ta Touch Jorhat, I Love Mokokchung Group, Organizing member, Long Longchar-i sangdong ka nung metetdaktsü.