Mokokchung, Kohima aser Tuensang teloktem akok

Nagaland Veteran Football asayamung

Phek, April 8 (TYO) : Tang Phek nung tasayadak aliba 8buba Nagaland Veteran Football asayamung nung Honibarnü asayatem nung Mokokchung, Kohima aser Tuensang teloktemi takok angu.
Mokokchung-i goal ka agi Tuensang ako. Iba goal ji Repamanyangi yok.
Tanabuba asaya nung Kohima 2-1 agi Dimapur madaka takok angu. Kohima telok nungi goal anaprongji Zavibeinyu-i yok aser Dimapur atema goal kaji Limabai yok.
Tasembuba asaya nung Tuensang-i iba asayamung ayonger Phek madak 3-1 agi takok angu. Tuensang nungi P.Montsoe-i goal ana aser T.Mangko-i goal ka ta yok. Phek atema goal kaji Zhochito-i yok.
Iba asayamung indang semi-final asayatemji April 10, 2017 nü nungi tenzüka asayatsü.