Dimapur, December 7 (TYO) : Mokokchung District Planning & Development Board (DPDB) senden nung Deputy Commissioner & Mokokchung DPDB Vice Chairman, Sushil Kumar Patel-i Mokokchung jila küm 125 ajungba benjung indang maparen reprangshimogo.
Sushil Kumar-i Mokokchung District Art & Culture Council (MDACC) dang sentong dak sendakba osangtem metetpelatsü mepishia asüngdang aser idangji MDACC General Secretary, Allen Mark-i hopta piyong amungtsü sentong renembaji takok ngua agitettsü imlar ta metetdaktsü.
Mokokchung DC-isa district nung Head of Offices ajaki maparen balala nung yariteptsü ayongzük aser December 12 nü benjung lapokba sentong nung ketdangsertemi anir staff ajak adentsü metetdaktsü.
December 12 anepdang 11:30 ako nung Nagaland chief minister T.R Zeliang-i Imkongmeren sports complex nung benjungmung lapoktsütsü.
Mokokchung küm 125 ajungba benjung atema DC-i DPDB züngsemtem ayongzük added by nungsang on
View all posts by nungsang →
You must be logged in to post a comment Login