Mokokchung, February 13 (TYO) : Mokokchung District Legal Services Authority (MDLSA)-i acha-ayanga Honibarnü Lok Adalat agidang bank loan dak sendakba ken o ti angatettepogo.
District & Session Judge aser MDLSA Chairman menden ser agi Lok Adalat ji agi aser iba mapang bank asem indang recovery loans sen lakh 7 den timba alangba ken o tem atema telemtetba agia liasü. Bank temji State Bank of India (Rs 490975), Nagaland State Cooperative Bank Limited (Rs 15,0973) aser Allahabad Bank (Rs.14,3000) nunger liasü.
2016 atema Mokokchung nung MDLSA-i mezüngbuba Lok Adalat ayongzüka agi.
February 23, 2016 nü MDLSA-i retainer lawyers, panel lawyers, para-legal volunteers aser iba dak sendakba alirtem asoshi training-cum-orientation sentong ka ayongzüka agitsü.
Iba training nung ozüng alema mapa inyakba ken o nung tepuokdak ayurtem aser tai tonglokja alirtem, Women’s Rights, RTI aser Consumer Rights onüktem benoka jembitsü. Training nungsa loktiliba nung yimjung asosho senosangertem indang temeten aser teinyaktsütem indang onüktema lemsateptsü.
You must be logged in to post a comment Login