Mokokchung-Mariani lenmang yanglushir

Mokokchung, August 25 (TYO): Mokokchung nungi Mariani gari lenmang terenlok atema yongyaa aliba ama tim department-i nüngdaktem inyakba ajanga Vertex Construction contractor-i maparen tenzükogo, aser iba atemaji department dang pelar, ta Mokokchung to Mariani Road Site Villagers Concern Forum (MMRVCF)-i tanü sangdong ka ajanga metetdaktsü.
Mapa inyakba mapang nung Chairman leniba nung Yimyu Ward Committee-i nungita yarir, aser Hokolbarnü MMRVCF ketdangpurtem aser züngsemtemia iba tesem semdangogo.
“Timtem liaka nüburtemi amalitepa yariba atema pelar, iba den külemi iba lenmang nung senzür aser nüburtemi tang teinyakdak mapa nung yariteptsü onoki mepishir,” ta MMRVCF, Mokokchung-isa metetdaktsü.