Mokokchung Municipal Council Administrator-i metetdaktsür

Dimapur, January 22 (TYO): Mokokchung Municipal telongtet nung shishilembatsü jangrar ajaki Municipal ketdangsertem dang nungi temelaba/trade permit meshitsüla ta Mkg ADC & Mokokchung Municipal Council, Administrator, W. Manpai Phom-i metetdaktsü.
Shishilembadak ozüngi memelaba oset aser achiajemtsü mayoktsü mesüra mapa tamajung meinyaktsüla. Maneni, ketdangpurtemi latetba jenjang alia mayoktsüla, expiry/best before anogo matongdang aser MRP printed price nung dang ayoktsüla, ta MMC Administrator-isa ashi.
Shishilembartemi pei dokan kima Signboard ayutsüla aser iba nung dokan tenüng aser Trade Permit Number enoktsüla. Dokan aser office ajak nung aonung CFL/LED bulbs tsükloktsüla. Maneni, khu/oset benshitsü atema original 50 & above bio-Micron poly degradable carry bags dang amshitsü melar, ta paisa ashi.
Jila tiyongtsü nung aliba dokan ki ajak jara temesüng aser kishi aser kichiba nung Satin-blue sentsü ateptsüla. Pit latrines/septic tank yangludang public tzübo nungi tajemba agia metre 10 shi pilar ang yanglutsüla.
Shi lepa ayokdak, ango ayokdak/Restaurants aser dokantem nung Rate Board tesüsabuba ayutsüla aser mapa inyakertemi apron, head gear aser tim sübotsü agitsü metetdaktsür, ta MMC Administrator-i ashi.
Public senzüsenbong nung timtem ajurutsüsa lenmang aser public tesemtem nung osettem mayutsüla. Maneni, pei compound adena kidang metsüba shirurutem temai madokdaktsütsü metetdaktsür, ta W. Manpai-isa shisem.