Mokokchung nung anentsüh agi ki raksatsü

Dimapur, Aami 14 (TYO): Taoba anogo eshika Mokokchung jila nung tzünglu maneni aruba ajanga jila nung tesem aisü nung anentsü alua nüburtem timtem ajurur. Aami/June 13, 2018 ayatirm meta Penli Ward nung retaining wall ka laoa anasa aliba ki ka raksatsü aser iba lendong nung tetsür arishi küm 30 tema ka tashi agi yirua mozükidangi bener ao. Iba tetsürla ya Longkhum yimdak nungi Sakumongla lir ta jangjaogo, ta district ketdangser sangdong ka ajanga metetdaktsü.
Kasa aonungsa tesem balala nung anentsüh alua süngdong laoba ajanga ki ana raksa, ta osang ajangasa ashi.
Iba osang angashia Mokokchung District Administration nung ketdangsertemi lendong atalokba tesem semdanga iba lendong ajurur aliba kibongtem aser yirur alila nem emergency relief agütsü.
Sangtemla aser Mongsenbai Ward tem nunga anentsüh ajanga ki ana raksatsü saka iba lendong nung nisung yiruba bo mali, ta District Administration ajangasa metetdaktsü.