Mokokchung nung AutoX 3 sentong takok ngua agiogo

Mokokchung kübok Imkongmeren Sports Complex nung ayongba AutoX 3 tembangba sentong agiba jakdang tongti tesemdanger, Col. Sudesh Bhangra-i gari anidangba noksa nung angur. (Mokokchung, November 07)

Dimapur, November 07 (TYO): Adventure & Motorsports Association Mokokchung (AMAM)-i ayonger Mokokchung kübok Imkongmeren Sports Complex nung agiba AutoX 3 tetoktepba sentong tanü Honibar nü tembangogo.
Tetoktepa shilem 5 tashi lemsar asayaba AutoX 3 sentong indang Sports Utility Vehicle (SUV) shilem nung Imtisang-i mezüngbuba, Lanusunep-i tanabuba aser Rokobito-i tasembuba jenjang angu.
1000cc ser tema shilem nung Rokobito, Imtisanen aser Unoka Assumi nungeri mezüngbuba, tanabuba aser tasembuba jenjang ajangzük.
1000cc ser tekübok shilem nung Aviu Rutsa, Unoka Assumi aser Imtisanen nungeri mezüngbuba jenjang asem angu.
Garitsüng ana adenba Novice shilem nung Mesaillie, Mataz Ali aser Rinko Ali nungeri mezüngbuba, tanabuba aser tasembuba jenjang angu.
Garitsüng ana adenba Expert shilem nunga Mesavillie-i mezüngbuba jenjang angu aser pa sülen anidaka, Monjur Ali aser Imliakum nati tanabuba aser tasembuba jenjang ngua liasü.
Tetoktepba sentong tembangba sentong nung tongti tesemdanger, 31 Assam Rifles Commandant, Col. Sudesh Bhangra-i takok angur nem sempet agüja liasü.