Dimapur, November 11 (TYO) : North Eastern Development Finance Corporation Ltd. (NEDFi) aser Entrepreneurs Associates (EA) Nagaland na sentepa tanü Hokolbarnü Longkumer Kilem, Mokokchung nung Business Meet 2016 ayonga mungogo, ta sangdong ka ajanga metetdaktsü.
Business Meet amungba nüngtem nung jila nung alir entrepreneur parnok nisung 14 nem NEDFi-i loan yimya nung sen teyari agütsütsü shimogo, ta sangdong nungji shia lir.
Sentong nung, NEDFi Dimapur Branch Manager, Vimeyiel Richa, Entrepreneurs Associates Nagaland CEO, Neichute Doulo aser MCCI Tir Tsukti Longkumer nungeri o tatsütsü jembi aser Guwahati NEDFi Head Office nung Assistant General Manager (AGM) O.S.Meetei-i Powerpoint ajanga NEDFi indang scheme aser sentongtem sayu. Iba sülen lokti tsüngda olemtepba mapang ka agi aser sentong tatem nung EATACOL Board Chairman Tia Longchar-i anküp tepela o jembi, ta sangdong ajangsa ashi.
Mokokchung nung Business Meet 2016 amung added by nungsang on
View all posts by nungsang →
You must be logged in to post a comment Login