Mokokchung nung Cleanliness Fortnight tenzük

Dimapur, October 2 (TYO): Mokokchung Municipal Council-i Hombarnü Swachh Bharat Mission nung shilem ka ama Swachhata Pakhwada (Cleanliness Fortnight) tenzükogo.
MMC Conference Hall nung ayonga agiba sentong nung SBM Mokokchung indang District Ambassador tem, Mokokchung nung kiyong ajak nungi chairman aser sanitation committee züngsemtem den MMC staff tem aden.
Sentong nungsa Nagaland SBM ambassador Supongmeren Jamir lia MMC sanitary workers nem tenüngsang agütsüba shilem ka agi.
SBM Mokokchung district chairman, M. Bendangnukshi Longkumer-i Cleanliness Fortnight tenzükja ‘cleanliness pledge’ agidaktsü aser iba sentong ya October 15, 2017 tashi MMC telongtet kübok amungtsü.
Sentong nungsa Nagaland SBM ambassador Supongmeren Jamir, All Wards Union Mokokchung general secretary, Lanumeren, SBM Mokokchung district ambassador aser Watsü Mungdang tir, Maonglila nungertemia omen nung ajemdaker o tatsütsü jembi.
Sentong nung ADC Mokokchung & MMC Administrator W.Manpai Phom-i okila jembidang, “Mokokchung nung Cleanliness Fortnight amungdang jana endokba tesemtem merüktettsü, public metsümeshidak merükmejutsü, ‘Cleanliness is Service’ omen nung ajemdaker jana amshia art competition aser inter ward cleanliness competition alitsü” ta metetdaktsü.
Iba mapang nungsa tesüiba küm 3 tsüngda Mokokchung nung SBM maparen inyaka aruba meyipa reprangtsü.