Mokokchung nung clinic tasen ka lapokogo

‘Family Care’ clinic meshitettsür MTBA Assoc. Pastor Wb. Bendang Jamir den clinic kibur Dr. Imti aser par kinüngertem külemi tangokba noksa nung angur. Mokokchung, Dec 13, 2016.

Mokokchung, Dec 13 (TYO) : Mokokchung Town Baptist Arogo tenla ki anasa “Family Care” ta sür Dental & Medical Clinic ka Mungulbarnep MTBA Assoc. Pastor Wb. Bendang Jamiri meshiteta sarasademer lapoktsüogo.
Iba clinic ya temang/shi kisüng nung taneptsü anguba ka dang masü, saka temeim agi anepalua tanela nung dena taneptsü anguba ka asütsüsa sarasadema inyaktsü asoshi Pastor Bendangi tayongzükba ka agüja iba clinic moatsü.
Clinic kibur Dr. Imtii mapang tatsüka agia clinic lapokba nükjidong lemsatepdang, Mokokchung nung tongtibangsa tepo anepaluba tsütsü clinic tajung ka akatsü nüngdakba reprangteta iba ya lapoker, ta ashi. Mokokchung nüburtem tajangzük angutsü asoshi yangi service tajungtiba agütsütsü merangtsü, ta paisa shisem.
Iba clinic nung ya tepo reprangba treatment itemi angutsü; oral medicine, oral surgery, conservative Surgery, dental pain management, braces-correction of crocked teeth, crown & bridge, scaling-ultrasonic tooth cleaning, gum disease, children’s dentistry, filings, cosmetic tooth colored filings, smile design, teeth whitening-office whitening & home whitening, dentures, prosthetic and rehabilitation, root canal, cosmetic dental jewellery, digital dental X-ray nungertem lir.
Iba den ano iba clinic nungji nüngdakbapur asoshi general medical treatment dena agütsütsü. Anepdang 9:00 ako nungi aonung 6:00 ako tashi iba ya lapoktsü. Yangi nüngdakba mozütema angutsü. Kari danga osang tejangja aginüra iba contact number nung (+919774289753/0369-2225493) nung tongteprateptsü akok.