Mokokchung nung CSPs atema Livelihoods Training katsüogo

Mokokchung, Luroi/August 20 (TYO): District Management Unit (DMMU) DAY-NSRLM-i ayongzüka Mahila Kisan Shashaktikaran Pariyojana Program’ (MKSP) kübok Block staff aser CSP level ajak atema anogo asemnü ‘Cluster Level Livelihoods Training’ ayonga kaogo, ta DFS (NSLRM), DMMU/DRDA Mokokchung, Takalemba Jamir-i sangdong ka nung metetdaktsü.
MKSP Program kübok Community Service Providers atema training ji Luroi/August 16-19, 2018 anogotem nung NRLM office DRDA Mokokchung district nung agi, aser iba training nung nisung 25 dak tema shilem agia aden.
Iba training nung shisalen sayurtemji – Lutfhur (National Resource Person), Takalemba Jamir (DFS, Mokokchung) aser NSRLM nungi Purlemla Jamir (DFS, Mokokchung) nunger liasü.
Iba sentong ya FY-2018-2019 küm atema DAY-NSLRM indang Annual Action Plan dak sendakba nung DAY-NSRLM Mokokchung-i ayongzüka agiogo.
Iba sentong ya Agro-ecological Practice ajungketja aluyimer tetsürtem income timba kümdaktsütsü aser senotsü ishiba indoktsü nükjidong nung agi.
CSPs (Agriculture & Livestock) nem aluyimbaren tasa tasen, metsühjang anepaluba, Nutrition Gardening, Organic Composting, ak aser an metsühba indang tesayuba balala agüja liasü.