Mokokchung nung Disaster Management training agi

Dimapur, Metsüremi/March 09 (TYO): District Office of the Home Guards & Civil Defence, Mokokchung ajanga Disaster Management nung training agüja arudar aser parnoki maneni Town Hall, Mokokchung nung March 07, 2020 nü anogo ka training agüja liasü.
Iba training sentong nung Mayangnokcha Govt. Higher Secondary School nungi Bharat Scouts & Guides aser NCC indang Cadet tem dena liasü.
Iba training nung shilem agirtem dang CPR, FBAO, Bandaging, Knot, Lashing splinting aser Emergency Method of Rescue (EMR) yimyatem sayu.
Anogo tepiyong sentong agiba mapang cadet temi tajungtiba nung angatettsü mechi theory class den demonstration aser mapa agi tesayuba balala agüja liasü.