Mokokchung nung ghonda ana power shibangtsü

Dimapur, Aami/June 09 (TYO): Alichen nungi Sewak Gate tashi NH-2 lenmang ulushia yangluba maparen nung temdangsünangba electric poles tem tesem melenshitsü atema June 10, 2023 anepdang 9:00 ako nungi 11:00 ako tashi power shibangtsü, ta Er. Achanger T Aier, SDO, Mokokchung Electrical Sub-Division ajanga sangdong ka nung ashi.

Iba power shibangba yagi Mokokchung jila, Asetkong aser Ongpangkong nung aliba yimtsüng ajunga nung kongshitsü. Anungji nüburtemi metokmeperi arema atatsü mepishir, ta sangdong ajanga ashi.