Mokokchung nung Healthy Lifestyle Camp agi

Mokokchung nung Healthy Lifestyle Camp agi

Dimapur, January 16 (TYO) : January 15, 2016 nü IMDH, Mokokchung nung Healthy Lifestyle Camp ka ayongzüka agi.
Loktiliba nung Diabetes, High blood pressure, Cardiovascular diseases amala Non Communicable diseases (NCD) tali bulua akümba atema osang metetdaktsütsü atema sorkari tetuyuba agüja lir aser iba nung ajemdaker iba Camp ayongzüka agi.
Dr S S Akaba Longchar-i iba camp lapokja jembidang, shilem agirtem ajaki item tashidaktem meteta alitsü kechiyong tashidaktemji chiyungtsü achiba, exercise aser libaliro ajanga noktangteter ta ayongzük.
Iba camp nung Blood pressure measurements, Blood sugar testing aser Body mass index calculation nungertem liasü aser District IEC Personnel-i temang anema alibaren indang tesayuba agütsüba den NCD indang leaflets lema agütsü.
Department nung Medical officer temi temang tendanga reprangba sülen shiranger nem mozü angati agütsü. Iba Camp nung arishi küm 30 nungi temapur nisung 74 tashi teyari angu.

You must be logged in to post a comment Login