Mokokchung nung International Day of Older Persons amongtsü

Mokokchung, September 25 (TYO): District welfare Officer, Mokokchung, T. Aoakhum Longchar-i sangdong ka ajanga teintet senso ajak dang, International Day of Older Persons anogomong nüngtem nung October 1, 2019 anepdang 9:30 ako nungi Ongpangkong salang, Mokokchung nung “The Journey to Age Equality” omen nung ajemdaker sentong ka ayongzüka agitsü; anungji Mokokchung jila nung teintet senso ajak dang iba sentong nung adentsü mepishir, ta metetdaktsüogo.
District Welfare Officer, Mokokchung-isa, Poshan Maah 2019 (Nutrition month) dak sendakba nung Department-i September 27, 2019 nü Sangtemla Hall, Mokokchung nung Baby Show ka agitsü, ta metetdaktsü.
Iba tetoktepba ya kinü tanur arishi ita 6 nungi küm 1 tashi asütsü, anungji tejangrar tsüraburtemi tanur anir arua iba sentong nung shilem agitsü mepishir; iba tetoktepba atema registration ji anepdang 9:00 ako nungi tenzüktsü, ta kasa osang ajanga metetdaktsü.