Mokokchung nung jilushi benjong tenzükogo

Mokokchung, Oct. 10 (TYO): Mongolbarnü nungi tenzüka yangi town hall, Mokokchung nung National Theatre Festival meraketa tenzükogo.
Iba sentong ya Department of Art & Culture Govt. of Nagaland den yaritepa National School of Drama New Delhi-i ayongzüka akar.
Taonung yangi Hill Theatre Nagaland director aser jilushir, Bendang Walling-i direct asüba Aor nüngtugu nüknarar otsü ‘Jena o Etiben’ indang jilushi ia sayudang tesentepertem kanga pelatepogo.
Hill Theatre Nagaland telok ya 2012 küm “Love through creativity” omen nung ajemdaker tenzük.
Iba telok yagi sentong nung jilushi balala aiba den külemi parnokisa sempet aketer liso nisungtem ajungshia anitentsü nükjidong yur short film, music video aser ano audio-visual production balala yanglua sayua arudaki.
Tanü iba jilushi sentongji metenzükdang Ungma nungi telok kati akhi tsürabur yimya nung yar tsüngsang den saisapong kar ia sayu.
Tanü iba benjong tenzükba sentong nung Mokokchung Entrepreneur Consortium (MEC) tir Tsukti Longkumer tongti tesemdanger liasü. Festival director Parag Sharma-i iba benjong akaba nükjidong ashi aser Mokokchung SDO (C) Lemlila Sangtam-ia mapang tatsüka agi pelaba o kar lemsatep.
October 11, 2017 nikongdang 5:30 ako nungi North East Theatre Academy Assam Director Simanta Phukan-i direct asüba “Kamala Kunwarir Sadhu” ta sür jilushi ka sayutsü.
Iba benjong ya tan October 15, 2017 tashi Mokokchung nung alitsü. Iba sentong ya angati dang asünung tejangrartemi oa reprangtsü akok.