Mokokchung nung ki 4 mitsü küma rungtok

Mokokchung, 15th March (TYO): 15th March, 2025 anepbong 2:30 ako meta Lijaba Lijen, Ward Mokokchung nung kitsük-kirung lendong tulu ataloka ki pezü (4) mitsü küma rungtokogo aser ki ka tera arung.

Rongsen lakh aika alang takoksa ajuruba dak alaka tia junga iba lendong nung nisung asü-ama mesüra yiruyibongba kecha maliasü, ta iba osangbeneri Lijaba Lijen Ward Secretary den jembidang pai metetdaktsü. Iba lendong atalokba osang angashir Fire Station pur arua mi tuluba küma modaktsüi inseptsü.

Iba lendong ya komasür atalok ano kuli tejangja menguteti lir. Police Station nung case registered süogo aser bushisüngdang maparen tenzükogo, ta osang ajanga angazüker.