Mokokchung nung kitsükkirong lendong atalok

Dimapur, January 21 (TYO): Hombar nikongtsütsü Mokokchung kübok Alongmen Ward nung kitsükkirong lendong tulu ka atalok.
Osang angazükba agi, taonung 6:30 ako meta iba lendong atalokdang dokan aika mi küma rongdok.
Mokokchung station nungi fire engine ana ajanga mi ensepba ajanga mi tuluba kaoloka moudaktsüi noktangtet.
Iba lendong nung akshi ayokdak tenet, dokan ka aser ngashi ayokdak ka mitsü küma rongdok, ta Fire Department ketdangser kati ashi.
Iba lendong nung sen lakh 7 shi alang rongsen samar asütsü ama bilemer, ta paisa ashi.
Lendong atalokba mapang mi ensepertemi LPG Cylinder ana den tanga osettsüset kar agizüktet.