Mokokchung nung LLIN alemba sentong nung ADC, Dy. CMO, ketdangsertem, ASHAs aser merla sü angurtem külemi agiba noksa ka angur.
Dimapur, March 1 (TYO) : Mokokchung District nung NVBDCP ajanga LLIN alemba maparen March 1, 2016 nü Urban sub center Aongza nung tenzükogo.
Iba sentong nung tongti tesemdangerji Mokokchung ADC, Bendanglila liasü aser lai ASHAs o tangartem dang LLIN takok ngua alemtsü atema meranga inyaktsü ayongzük.
Sentong nung Dr. S. Marina Yaden, DVBO (NVBDCP) Mkg-i o jembidang, LLIN shitak amshitsü aser iba ya ajanga merla ajanga menatepa tashidaktem azüoker ta ashi.
LLIN alemba maparen asoshi luden ka tentetbaji ASHAs pur ketdangsüa reprangtsü atema dang lir saka ASHAs-i dang LLIN angati alemtsü, ta Dr. S. Marina-isa metetdaktsü.
Sentong nung mendenji Dr. Sentila, Medical Officer, PHC Longkhum liasü aser Imkummongba-i anküp tepela o jembi. Tanü ADC, Dy. CMO, Aongza ward chairman aser VHC chairman nungertemi LLIN lema agütsü.
You must be logged in to post a comment Login