Mokokchung nung Lok Adalat agi

Dimapur, December 13 (TYO) : December 12, 2015 anepdang 10:30 ako nungi Mokokchung District Legal Services Authority (MDSLA)-i Lok Adalat ayongzüka agi.
Iba sentong ya District Court nung agi aser MDLSA züngsemtemi ken o aika angadanga bentettsüogo.
Tanü Bank loan recovery (ken o 6) aser Motor Accident Claim (MAC) ken o ka benok aser itemji MDLSA nungi okatsürtemi kanga junga angadangba sülen teloktem tsüngda angatettepdaktsü.
Mokokchung District Legal Services Authority (MDLSA) nung tang advocate 7 lir aser iba nung mendenbubaji District & Session Judge, N Syuie NJS aser tezülurji Chief Judicial Magistrate, Chinemchiba na lir.
Nagaland nung legal services atema mapa kanga inyakba rongnung MDSLA ya ka lir. 2015 nung MDSLA-i legal awareness aser services dak sendakba shisatokden sentong 12 tashi ayongzüka agiogo aser iba den Lok Adalat asemben tashi ayongzüka agi.
MDLSA-isa Senior Citizens’ Day, World AIDS Day, World Disabled Day, National Legal Services Day amala anogotem nung sentong ayongzüka agir.