Mokokchung nung Medical camp ka kaogo

Mokokchung August 27 (TYO): State Health & Family Welfare Minister-i aginüba ama August 26, 2017 nü District Health Society, Mokokchung kübok yimtsüng kar nung medical camp ka agiogo.
Item yimji- Longkhum, Mangmetong, Sabangya, Chungtia, Aliba, Kinunger, Khensa, Mekuli aser Alichen liasü.
Iba anogo nung shiranger 827 nem angati medical check-up agija nüngdakba mozütem agütsü. Iba dak alia IEC kakettem den anema alibaren tsütsü shisatsü agütsü.
Iba sentong nung tesem nung aliba doctor tem, nurse tem aser health personnel balalai shilem agia liasü.
Dr. Sentikumba Imchen, Dr Vehuto Puro (Naga Hospital Kohima nungi) aser Mon nungi Dr Khezo Tetseo nungeria iba camp nung yaritepa liasü. Dy.CMO Mokokchung, Dr Kibangkumba lenisüba kübok item camp kaogo aser yim balala nungi health teams-i yaritepa liasü.