Mokokchung nung MOFCSL Board senden amen

Mokokchung, Metsüremi 09 (TYO): District Agriculture office-i ayongzüka Metsüremi 09, 2018 nü Mokokchung Organic Farmer’s Co-operative Society Ldt. (MOFCSL) Board of Directors senden amen.
Iba senden ya Deputy District Agriculture Officer, Temsuienla-i ayongzüka liasü.
Senden nung jembidang lai, District Agriculture Office Mokokchung-i ketdangsüa Mokokchung Organic Farmer’s Co-operative Society Ldt. ya Program- Mission Organic Value Chain Development for North East region (MOVCDNER) kübok Co-operative Societies Nagaland nung register süa lir, ta metetdaktsü.
Iba senden nung progressive organic farming, marketing strategies aser district nung organic farming onüktem nung o lemtepa liasü.
Senden tembangba sülen board züngsem ajak den District Agriculture Office ketdangsertemi tang tasen lemzüktsüba Aggregation and Collection Centre semdanga liasü; iba tesem nung FPO Office amenoktsü.
FPO office ji Metsüremi 16, 2018 nü semzüktsü atema züngsem ajaki melunga agizük.