Mokokchung nung MVCP alitsü

Dimapur, December 14 (TYO) : Benjungmung mapang nung aser gari lendong nokdangtsü nükjidong nung DEF Mokokchung nungi police temi December 14, 2016 anogo nungi Motor Vehicle Check Post (MVCP) tenzüktsü, ta sangdong ka nung metetdaktsü.
Iba dak sendakba nung Mokokchung nung alirtem ajaki district police den yariteptsü aser gari nung nüngdakba kulikaket ajak bener senzütsü metetdaktsür, ta Sr. Superintendant of police Mokokchung sangdong nung shia lir.
Maneni, 2 (two) wheelers nung tanir aser tesülen amener naprong helmet agitsü shisemer aser aibelenertem ozüng tapet agi merenshitsü, ta paisa ashi.