Mokokchung nung NNC ‘C’ Certificate tatidang agi

Mokokchung, February 8 (TYO): 25 Nagaland Independent Company NCC Mokokchung nung Feb 6 & 7 anogo ananü NCC ‘C’ certificate written aser practical tatidang parnok office nung takok ngua agiogo ta NCC sangdong ka ajanga metetdaktsü.
Iba tatidang nung cadet tetsür pezü densema parnok ajak agi 19 liasü. Iba tatidang ya NCC cadet atema tedendangba tesüsabuba lir.
Shirnoki iba tatidang nung takok ngudir UPSC-i agiba combined defence services examination written exam magütsütsü.
NCC cadet shirnok ‘C’ certificate ajangteter parnokji yimya balaka nung indang-indanga SSB interview-i oteter, ta sangdong nungsa shia lir.
Iba dak sentakba nung menden 40 bo ibala inyakyim/maparen ajanga mekazüka tokja lir.
Taoba January ita agiba tatidang officer cadre nung Nagaland NCC group Kohima nungi tetsür anati ajangteta lir ta NCC sangdong nung metetdaktsü.