Mokokchung nung Non-Communicable Disease (NCD) indang sentong agi

Dimapur, November 20 (TYO) : November 20, 2015 nü Mokokchung District kübok High School ana nung Non-Communicable Disease (NCD) indang Health talk ayongzüka agi.

Iba sentong asoshi shisalen sayurji Dr Katila Longchar, School Health Programme (SHP) liasü aser lai Non-communicable disease pungu – Diabetes, Hypertension, Cancer, Obesity aser Chronic respiratory diseases nunger indang temetettsü lemsatep.

Tanü iba sentong agiba school anaji – John Douglas High School aser N. I Jamir Higher Secondary School na nung liasü aser tesenteper ajak nem Non-Communicable Disease (NCD) indang tezülubatem lema agütsü.

Sentong nung school principal, tesayurtem aser kaketshirtem den Tarep Longchar DMEIO-i anir medical camp aser IEC staff tem aden.