Mokokchung nung NPR cell lapokogo

Dimapur, July 21 (TYO): Mokokchung Deputy Commissioner, Sushil Kumar Patel IAS-i July 21, 2016 nü Mokokchung nung National population Register (NPR) cell lapoktsüogo, ta sangdong ka ajanga metetdaktsür.
Sangdong ajanga ashiba agi, NPR lapokba ajanga district nung aliba nisung shia indang ‘identity database’ kanga junga aser jangja bendena yutettsü. Ibai lapokba sülen state nung NPR database metongshia yanglushitsü asoshi ‘data entry’ maparen tenzüktsü.
Mokokchung nung tan lapokba NPR cell-i district nung aliba ki shia nung aliba nisung shia indang osang tejangja bendentsü. Tang Monokchung NPR Cell nung operator 10 aser supervisor 12 lir, ta kasa sangdong ajangasa metetdaktsü.