Mokokchung nung ‘Protection of Plant Varieties & Farmers’ Right Act’ sentong agi

Dimapur, September 21 (TYO) : September 18, 2015 nü SARS, Yisemyong aser District Agriculture Office, Mokokchung nati ‘Protection of Plant Varieties & Farmers’ Right Act 2001′ indang sentong ka ayongzüka agi.
Iba training cum awareness sentong ya PPV & FR Authority, GOI ajanga teyari agütsü aser aluyimer 52 den Mokokchung District nung Department ketdangsertem aden.
Sentong nung Rongseninla, Jt. Dir (Agri)-i o jembidang asen alidak anguba tsünüsenbongtsütem wazüka ayutsü aser alima tsüngsang-mongpu melenshiba atema aluyimertem aser ketdangsertemi tsünüsenbongtsütem kümzüka ayutsüla ta ashi.
Iba sentong nung mendenji Nungsangkaba, Dist. Agriculture Officer, Mokokchung liasü aser Dr Deepak Chetri, Project Officer, SARS-i okila jembi aser Mr. Burwati, SDAO, Mangkolemba-i anküp tepela o jembi.
Shisalen sayurtemji, Mrs. Maongsangla, APP, SARS aser Mrs. Bendangjungla, SMS (PBG), KVK na liasü.