Mokokchung nung review meeting agi

Dimapur, August 12 (TYO) : August 11, 2015 nü IDSP Hall IMDH Mokokchung nung Mokokchung district quarter review meeting mezüngbuba agiogo.
Iba senden nung CMO, Mokokchung Dr. S.S Akaba-i district nung population stabilization fortnight aser intensive diarrhea control fortnight amungba osang metetdaktsü.
Paisa district asoshi Kayakalp Award indang osang metetdaktsüdang, taküm iba sempet District Hospital atema dang lir aser sangküm nungi CHC aser PHC amala outpost atema agitsü ta ashi.
Senden nungsa DAPCU, AYUSH, aser Sabangya PHC ketdangsertemi power point presentation sayu.
August 17-28, 2015 tashi ASHA training agidang pei pei block nung SMOs aser MOs temi shisalen sayur ama shilem agitsü atema senden nungsa Deputy CMO Mokokchung Dr. Kibangkumba-i metetdaktsü.
Paisa, August 21, 2015 nü Tuli CHC nung Multi Speciality Mela ka alitsü osang metetdaktsü.