Mokokchung nung Straightway School Winter camp kaogo

Mokokchung, November 11 (TYO): November 10, 2017 nü Straightway School, Mokokchung 4buba Winter Camp, “Imitating Jesus” (1 Yohan 2:6) omen nung ajemdaker kaogo, aser iba camp nung shisalen sayurtemji Asso.Pastor, Children Ministry KBC, Kr. Moanaro, Eden Academy nungi Kr.Temsumenla, Clark Memorial Higher Secondary School nungi Wb. Lanusunep, aser Straightway School nung tesayurtem- Kr. Supongnungla aser Deepika nunger liasü.
Kaketshirtemji telok pezü küma lemsa aser omen nung ajemdaker sentong telemsa ana nung agia liasü.
Iba camp ajanga kaketshirtem aser staff tem kanga temoatsü nguogo aser aika angazükogo, ta osang ka ajanga metetdaktsü.
Kaketshirtem lenla ajak nung renlokdaktsütsü, tanela jenjang ajungkettsü aser shisaliok nunga arangshitsü nükjidong yur Straightway school-i kümshia Annual Summer aser Winter Camp ayongzüka amonger.