Mokokchung nung SWEEP sentong agi

Dimapur, Rongjui/Sept. 30 (TYO): Systematic Voters Education and Electoral Participation (SVEEP) sentong nung shilem ka ama Deputy Commissioner aser District Election Office, Mokokchung ajanga Nagaland Sports Association den lungjemer ananü football coaching cum felicitation sentong ka ayongzüka liasü.

Iba sentong nung shilem agirtem Electoral roll nung tenüng züluoka ali-mali jangjatsü asoshi awareness agütsütsü aser temsüa alirtem yangji enroll südaktsü nükjidong nung iba sentong ya Imkongmeren Sports Complex nung September 29-30, 2023 anogotem ayongzüka liasü.

September 29, 2023 nü iba sentong tenzükdang ADC Mokokchung, Chumlamo Humtsoe-i ashiba agi, lanurtem nem electoral awareness agütsütsü aser lanurtem football nung shisatsü agütsütsü nükjidong nung Election Commission of India ajanga SVEEP sentong ya ayongzük.

Iba sentong nung menden Assistant District Election Officer, Mokokchung, Renben Mozhui liasü, Dr. Tiameren, Lecturer, CTC Aolichen ajanga sarasadem aser CTC kaketshir temi ken tajung ka tena liasü.