Mokokchung nung Urban ASHAs atema sentong agi

Dimapur, February 28 (TYO) : February 23 nungi 27, 2016 tashi IDSP Hall, Mokokchung nung National Urban Health Mission kübok Urban ASHAs training agi.
Iba training nung shisalen agütsürtemji Directorate of Health and Family welfare, Kohima nungi Chubala Pongen, State ASHA Programme Manager, Rajesh K Monsang, Consultant/ community process ( RRE/NE) aser Aotemsu, Consultant NUHM nungertem liasü.
Training nung ASHAs dang Home based Newborn care, mashisa alirtem aser tanur asoba yimyatem sayu.
Parnok dangsa post partum Mother, Identification & Childhood illness referral management nungertem sayua liasü.
Iba training nung Dr. S.S. Akaba Longchar CMO Mokokchung-ia ASHAs aser tanga mapa inyakertem dang Urban Primary Health Center jenjang ajungkettsü aser mapa tajungba inyaktsü ayongzük.