Mokokchung nung “We care for Nepal” ta ser kenten sentong agi

Dimapur, August 23 (TYO) : Mokokchung aser Dimapur nungi kentenertemi “We care for Nepal” ta ser Nepal menoknok ajanga timtemertem yaritsü atema kenten sentong tajung ka ayongzüka agi.
Iba sentong ya August 22, 2015 nü Cosmos Entertainment Hall nung agi aser tayongzükertemji Rock Reign aser Mokokchung nung Gorkha purtem liasü.
Kenten sentong nung tetushi süa jaokerji MCCI tir, Moasangba Jamir liasü aser pai tayongertem dang pelaba metetdaktsü aser maneni Nepal asoshi sarasademtsütsü ayongzük.
Nepal nung timtemertem nem sen teyari dang masü saka temeim sayutsüla, aria bilemtsütsüla aser sarasademtsütsüla, ta paisa tayongzükba agütsü.
Moasangba-isa Mokokchung nung alir Nepal nungertem dang lokti nung teyari tulu agütsüba atema pelaba ashi aser iba sentong ajanga Nepal nunger aser Mokokchung nung alirtem tesentaktep tali akangshitsü aser temeimtep tajungba akümtsü imlar ta shisem.
Iba sentong nung Chronicles, Rapture, Prophetic Ark, Tune up Channel, Yapangtula & the band aser Tali & Friends nungertem shilem agi.