Mokokchung nung World AIDS Day sentong agi

Dimapur, December 1 (TYO) : 27 buba World AIDS Day 1st Dec 2015 anogo Mokokchung nung “Getting to Zero” omen kübok Imlong place nung mungogo.

Iba sentong ya NSACS nungi teyari agüja DAPCU, NMP+, C&SS, CCC, Guardian Angel, Grace Society aser MKGUN longjemer ayongzük.

Razienlung Gonmei, Project Director, Grace Society ajanga ketdangsüa aniba sentong nung Rev Ponen, Pastor MTBA-i temoatsü meshia sarasadem.

Sentong nung T Temsu Jamir President NMP+ ajanga sentong amungba nükjidong lemsatep aser paisa lokti nungi iba tetsübutsü tashidak agientsü atema meranga inyaktsü ayongzük.

Sentong nungsa Miss Tiasola Ozukum aser Miss Yapangtola Jamir (Naga Orpheus Hunt 2013 Runners up) nati ken aten aser Ao Senden, Watsü Mungdang aser AKM nungi lennirtemi o jembi.

Sentong nung tongti tesemdanger Rajesh S IAS, ADC Mokokchung-i nisung ajak longjemer HIV/AIDS raratsü ayongzük.

Iba tashidak agi atongertem senzüka metoktsütsüla, kechiyong iba tebilemtsü ya lokti indang khuret ka lir anungji nisung ajaki HIV anema rara nung shilem agitsüla, ta Rajesh S IAS-isa ayongzük.

Sentong agiba sülen HIV/AIDS senzüka toktsüba aser bendanga amshiba anema noktaktsü asoshi pledge signature campaign agi.