Mokokchung nung World Mental Health Day among

Mokokchung nung October 10, 2025 nü World Mental Health Day amungdang tangokba noksa ka nung Senior Medical Officers, shiranger, care givers aser DMHP nungi staff tem angur.

Dimapur, Mongputeni/Oct. 10 (TYO): Mokokchung nung World Mental Health Day ya ‘Access to Services- Mental Health in Catastrophes and Emergencies’ omen nung ajemdaker October 10, 2025 nü DMPH Treatment Centre Mokokchung nung District Mental Health Programme ajanga ayongzüka munga liasü.

Dr. Ademla Tinu, Medical Superintendent (IMDH) Mokokchung ajanga tayongzükba o jembidang, “Mental Health ya asen temang anema aliba nung dena lir, tekolok anema aliba medeni temang anema aliba mali,” ta ashi.

Tekolok nung timtem aliba mapang shidak nung anepalu mesüra, asen takum nung tetsükdaktsü ajurutsü, ta laisa ashi.

Dr. Ademla Tinu-isa Mental Health nung mesü-mokonga bilemba aser awareness agi anüngabongba indanga jembia liasü.

“Mental Health indang jembiba nung maksü mali ta asenoki angatettsüla. Iba ya nokdangteter, anepteter aser melenshiteter,” ta ashi.

Dr. Limanaro DPO (UIP & RCH) ajanga Mental Health indang rateta jembidang, “Mental Health aser Physical Health ya bilatsü makok,” ta ashi.

Lai iba sentong nung adenertem dang Mental Health dak sendakba tsüboa malitsü, rakpoka jembitsü aser awareness agüja yariteptsü ayongzüka liasü.

Iba sentong nung shirangertem, care givers aser DMHP, IMDH aser CMO nungi staff tem dena liasü.