Mokokchung nung World Soil Day among

Dimapur, Luchii/December 06 (TYO): Department of Soil and Water Conservation, Mokokchung ajanga Krishi Vigyan Kendra (KVK), Mokokchung aser NABARD, Mokokchung den lungjemer World Soil Day aser Krishi Swarna Samriddhi (KSS) week munga liasü.

Aliba ajunga nung taküm World Soil Day ya “Caring for Soil: Measure, Monitor & Manage” omen kübok munga liasü.

Iba sentong nung Mokokchung district kübok yimtsüng pezü nungi iba sentong nung shilem agia liasü, kong menden Tokiho Achumi ACTO (Agronomy) ajanga tongtipang nisung aser shilem agirtem pelashishia agizüka liasü.

Dr. Keviletsu Khate Sr. Scientist & Head, KVK Mkg ajanga iba anogomung rateta jembidang KVK ajanga tang teinyakdak mapatem aser küm 50 tashi inyakyonga aruba indang tongmelang agi rasaa ashi.

Pai aluyimer dang Kisan Sarathi App amshitsü ayongzük, koba digital smart phone ajak nung angur. Kisan Sarathi App ya aluyimer yaritsü asoshi online sapang ka lir.

Omen nung ajemdaker E Precila Patton SDO (C) Changtongya ajanga jembidang ali anema alitsü koda tongtipang ta asüba indang sayu aser ali temu wazüka ayutsü asoshi anepaluyim indang shisatsü agüja liasü.

Imtilemla, ACTO (Soil Sc.) ajanga Aliba yimtsüng nungi aluyimer nem Soil Health Card lema agütsü aser Poji, DDM NABARD Mkg ajanga agency aser department teyari amshia marketing strategies yanglutsü indang lemsatep.

Aluyimba nung tajangzük tajung alitsü asoshi department balala lungjemer inyaktsü tongtipang lir ta pai ashi.

Iba sentong nung shilem ka ama ak metsüba tesem ka aser vermicompost unit ka semzüka liasü aser Dr. Sarendi Walling ACTO (Animal Sc.) ajanga melepzüng jembia liasü.

World Soil Day nung shilem ka ama GMS Mangkolemba nung azünger atema quiz aser essay competition ayongzük aser aluyimer nem Soil Health Card agüja liasü.