Mokokchung nung Yoghurt (Dahi) sayaba sentong agi

Dimapur, July 2 (TYO) : Mokokchung nung July 1, 2016 nü Mini Dairy Plant nung Yoghurt (Dahi) sayaba sentong ayongzüka agi.
Iba sentong ya Nagaland State Dairy Co-operative Federation Ltd (NSDCF) Ltd. ajanga ayongzük aser Dr. Rongsentemjen Ao, MANAGING Director, (M.D) NSDCF Ltd. o ADC & Administrator MMC, Mokokchung, Bendanglila na aden.
Sentong nung mendenji Akhriebou, Manager, MDp Mokokchung liasü aser Dr. Mapumeren, Chief Veterinary Officer-i tesentepertem pela agizük.
Sentong nungsa Dairy Farmers atema orientation sentong ka agi aser iba asoshi shisalen sayurtemji Zapove swuro, Project Director, NSDCF aser Alangla ARCS Mokokchung na liasü.