Dimapur, December 14 (TYO) : Mokokchung jila küm 125 ajungba benjungmung den külemi Mokokchung Photography club-i Photography exhibition cum sale sentong ayongzüka agi.
Iba sentong ya Imkongmeren Sports Complex nung agi aser MDACC Pavilion nung noksa 50 den timba sayu.
Noksatem indang jenjangji sen 500 nungi tenzüker sen meyirjang 10 tsüngda lir. Iba sentong nung tongtipang kaji Dimapur Photography Club züngsemtemi agiba lir. Parnokia noksa 15 aser post cards kar yok.
Exhibition nung shilem agir rongnung tanutsülaji Model Hr Sec School nung Class IV nung azünger Imtisenla Longkumer lir.
Tanü Mokokchung DC, Sushil Kumar Patel den ketdangsertemi photography stall semdang aser nisung kari noksatem aliogo.
Mokokchung Photography club exhibition added by nungsang on
View all posts by nungsang →
You must be logged in to post a comment Login