Mokokchung police-i yi truck ka sünga apu

Mokokchung, Tsüklai 05 (TYO): Osang ka lazükba sülen Mokokchung Police-i Amguri lenmang mita ataba mapang Amungnü aonung 9:00 ako meta khu abenba gari (truck) ka nung gari sünga yi bener atuba mapang Mongsenyimti yim anasa apu, ta tanü Mokokchung SDPO, Dinesh Gupta (IPS)-i osangbenertem den jembidang metetdaktsü.
Iba truck gari-ji police-i anir atua Mokokchung Police Station I nung yi agizüka azüngba mapang yangji temesepba yi whisky case 160, rum case 430 aser can beer case 362 liasü, ta SDPO-isa metetdaktsü.
Iba maparen dak sendakba nung truck gari denji nisung ana (2) pua lir aser iba keno maneni bushisüngdangba mapa inyakdagi, ta paisa shisem.