Mokokchung SBM-i sangdonger

Mokokchung, October 02 (TYO): Tawa Mokokchung jila nung Para military sepaitemi “Swachh Bharat Mission exercise” tema tazütsüka agibaji District Ambassadors of Swachh Bharat Mission, Mokokchung-i magizüker, aser tarutsü nunga shingaia Swachh Bharat Mission sentong iba yimya nung magitsü mepishir, ta tanü SBM Mokokchung Chairman, M. Bendangnukshi Longkumer-i sangdong ka ajanga metetdaktsü.
“Swachh Bharat Mission ya linük nung tematiba office-i anir linük tesem ajungalen inyakba mapatong ka lir, anungji iba ama tema tazütsü agi iba sentong agiba ajanga linük merüka alitsü atema kanga meranga inyakertem jashidaktsüba dang masü saka iba mapatong-a mezüngmeshir, aser India Ato kilonser indang office tenüng menüktsür,” ta sangdong nungsa shia lir.
District Ambassadors of Swachh Bharat Mission Mokokchung-i maneni nija aser lokti tentet balala dang Mokokchung district merüka alitsü atema melungteta inyaktsü mepishir, ta kasa sangdong nungsa shia lir.