Mokokchung Town 125 quasquicentennial Day-III osang

Mkg DC Sushil Kumar Patel-i Food Fest, Farmers Fair, Trade Stalls, Kids Carnival & Fun Stalls-tem lapoktsüba angur.

Mokokchung, Dec 14 (TYO): Tanü agi anogo asemnübuba Mokokchung town quasquicentennial benjong yangi Imkongmeren Sports Complex Mokokchung nung mungdaki. Tanü Mokokchung Deputy Commissioner Wb. Sushil Kumar Patel (IAS)-i Food Fest, Farmers Fair, Trade Stalls, Kids Carnival & Fun Stalls-tem lapoktsüogo.
Item stalls nungji aluyimer, business inyaker, government agencies aser telok balalai stall balala lapoka nüburtem kanga longsotepdaki. Kin balala indang chiyungtsütema yokdaki. Mokokchung Photography Club-ia noksa sayuba ka lapoka lir. Airtel Company-i ground temeket nung angati Wifi facility agüja tejangrar atema internet amshidaktsüdaki. Iba den Hunting Boots teloki achayanga kentenertem nem sabang lapokja sound system peria yutsür shilem agidaktsüdaki.
Tanü Inter-ward ar atsütepba (tug of war), martial art display, Mahattam (greatest) Muthia aser Inter-ward volleyball tournament nungertem Imkongmeren Sports Complex nungsa asaya liasü. Tanü Mokokchung D.C Sushil-isa nüngtugu Aor kaket zülur aser taoba Ao Milen editor T. Senka Aoi Mokokchung indang züluba kaket ka sayatsüogo.
Nikongdang “Vision Mokokchung 2040” onük nung ajemdaker Cosmos Hall Mokokchung nung Panel discussion Part-I agiogo. Iba kasa sentongji Dec 15 anepdang 10:00 ako nungi ano Part-II agitsü. Iba sentong ya Mayangnokcha Award Trust (MAT) teloki achayanga agir.
Mokokchung nükla 2040 omen nung ajemdaker education, arogo, yimten yimsüsübaren, business tsütsü, nübur mulungsentsü aser terenlok aser onük balala bener arua jembitsü. Item onük balala nungji tejembir takotettem shima lira ser parnoki bener aruba onüktemji tajungtiba yanglur tarutsü atema rizünga ayutsü tebilemba lir.
Aonung “Unchanged Melody” ta ser kentenmenü sentong ka liasü aser iba sentong nung Mokokchung nungi akhi aser tang kentener aser kongki atemertemi shilem agiogo.
Dec 15 nü anepdang 10:00 ako nungi Chibi & Open Cosplay ta ser tanurtem atema sentong ka P.Shilu Park nung alitsü. Iba denji Multi-purpose indoor stadium nung aluyimer atema shisatokden sentong ka akatsü. Aonung 5:00 ako nungi tenzüka Nagaland open freestyle dance competition aser fashion fiesta sentongtem alitsü.