Mokokchung Town nung CofEASD office lapokogo

Dimapur, November 9 (TYO) : Mokokchung Town nung Confederation of Entrepreneur and Skill Development (CofEASD) office amenoka tenzüka aotsü apusor.
CofEASD ya Mokokchung Municipal Complex Shopping Mall takdang No 103 nung amenoka mapa tenzüka aoer.
Iba office ajanga tanü lanurtem mapa mangur pei sasa-a züsenteta alirtem aser ano pei sasa-a nokdaktsü atema business balala nung teka amouoka yia inyaka alirtem nem shisa aser teyaritem agüja achaayangtsü.
CofEASD achaayangartem ajanga iba telen ya ajanga lanurtem nem mapa balala achaayanga inyaka mongin akümtsü (skill Development) mapatem nung tesayuba aser shisa agütsüba den senotsü amshiyim aser mapa tenzüktsü atema senotsü apumesaba tsütsülen teyari aser shisa agüja anepalutsü ta ashi.
CofEASD ketdangsürtem ajangasa iba telen ya Nagaland sorkar kübok register asüba telen ka lir ta ashiba den CofEASD ajanga centre aser state sorkar tashi den tongtepratepa asen lanurtem nem tajangzük aser teyari bener arua agütsütettsüsa mera agia inyaktepdar ta metetdaktsü.