Mokokchung town nung Yi case 408 tepsa indokogo

Hogulbarnep Mokokchung nung ozüngi memelaba temesepba yi tepsaa indoktsü mapang district administration den judicial ketdangser, AKM ketdangpur aser police kar noksa nung angur. Mokokchung, Oct 9, 2015.

Mokokchung, Oct 9 (TYO): Nagaland nung yi mayoktsü Nagaland Liquor Total Prohibition (NLTP) ozüng liakasa mapang shia police-i yi apuba osang angazüker. Aji oda, Oct 1 nü police-i mita aoba mapang Mokokchung telungtet nungi temesepba yi case 408 apu aser itemji Hogulbarnep tepsaa indokogo.
Apuba yitemji tepsaa indokdang Mokokchung district administration-i anir Judicial nungi ketdangser, police ketdangser, Ao Kaketshir Mungdang (AKM) ketdangpur, osangbener densema liasü. temesepba yitemji ajak “MCdowell” rum dang liasü.
Tepsaa indokba yitemji Oct 1 nü Mokokchung town telungtet nungi apu aser ibaji Case No. 0017/15, under Sec 44 NLTP Act kübok Registered asü aser okadaki yok ta police ketdangserisa metetdaktsü.
Okadak teinyaktsü maparen ajak temer külen Mokokchung Chief Judicial Megistrate (CJM)-i tepsaa indoktsü asoshi “order” agütsü ta Police ketdangser kati iba osangbener den jembidang ashi.