Mokokchung-Tuli tsüngda 66KV Transmission line raksa

Mokokchung, September 08 (TYO): Tsüngpret ajanga 66KV Mokokchung-Tuli Transmission Line, Changtongya anasa tokdangba ajanga Mon aser Longleng District na nem power supply magütsütetba den külemi Mokokochung district kübok Changtongya aser Tuli-a kongshiogo, ajisüaka tekaraba nung power supply agütsütsü atema department-i kanga ilonga inyakdar, ta Mokokchung Transmission Division SDO (Tans), Er. Shilu-i tanü sangdong ka ajanga metetdaktsü.
Anungji light atsükertemi timtem ajangshiaka aremzüka atatsü mepishia metetdaktsür, ta sangdong nungsa shia lir.