Mokozü aser nirep ama – T. Ken 68:1-6

Nisung kaji pa/la medemeri dang masü saka pa/la tsükchirtemia metetter ta ashir. Kibuba Yisua tsükchirtem liasü. Davida tsükchirtem liasü. Ajak shirnoki shidakba asoshi noktaker tsükchirtem alitsü. Saka item tsükchirtemji kechi mesüka alitsü metettang- ” mokozü aridokba ama alitsü” (t.2). Shibai mokozü tsübur? Iba yagi asenok lungbangtsü akok, saka asenoki mopung temerük aitdaktsüra- Tanela Temeshi mopung – iba yagi asenok melungbangtsü mesüra makutsü.Dawidi ano iba nirep den medemdanger(t.2). Temo milen arungbaji Tsüngremer tsükchir madak kechi ataloktsü iba noksaji lir. Mokozüji yakta dang süshia oadoker, aser nirepji yakta yimsa aor. Takokji Tsüngremi angutsü.
“Anungji tamajungerji Tsüngrem Tsüngdang samadakjang. Saka temeshi pur peladakjang. Tsüngrem tsüngdang parnok washidakjang” (t 2,3). Kechiba? Tsüngremi asenok asoshi inyakba nung. “Tsüngrem dang ken tenang, pa nüngsang ken tenang;shibai azüngmeyakdak ajanga sanger aor Pa asoshi lemang adokdakjang”(t.4).Tsüngremji takoker tulu lir, anüngtem nung asanger.
Pa ” tebu malir tebu ka lir” (t.5). Asenok koba nung yirua lir shidak jagi arur aser temulungjang teraksa anebtsür. Ano, Tsüngrem o bendanger aser talangzüker lir. Temenen yinzü agi alena lir Pai nüji kümdaktsür.
Na ne tsükchirtemi ajemrepa lir ta bilemer asü? Khuretji Tsüngrem tsüngdang yujang, aser Pa nü Takoker kümdakjang.