Molulem ozütemi agogo 5 ser ghonda 10 nung kilometer 6000 ayim : Javadekar

Guwahati, November 17 (Agencies) : Molulem ozütem Nagaland nungi South Africa aser idak nungjagi Mongolia-i orr tanaben Nagaland-i meyipa aruba scientists-i satellite tagging ajanga osang bendenogo, ta Union Environment Minister, Prakash Javadekar-i tanü ashi.
“2013 küm Amur Falcon asem dak satellite tagging asü aser parnok yaküm Nagaland nungi Mongolia tashi anogo 5 ser ghonda 10 nung kilometre 6000 jaja” ta Javadekar-i osangbenertem dang ashi.
“Item ozütemi gramme pungu solar powered geo tag enoker ayimba maneni South Africa atong” ta paisa shisem.
Taküma Pangti aser ano Nagaland kübok Molulem anenzükba yimtsüng balala nung satellite tagging asütsü sentong lir. Item ozü nem yimertem dang tenüng agütsütsü, kechiyong Molulem wazüka ayuba maparen ya nübortemi inyaker aser iba nung yimdaklirtem, mulungtet teloktem, arogo aser forest department nungeri shilem agir, ta Javadekar-isa ashi.
Centre-i Nagaland nung aliba Doyang lake ji eco-tourism hub ka kümdaktsünür, ta paisa shisem.
Kümshia October ita nungi Mongolia, Northern China aser Southeastern Siberia linüktem nungi Molulem ozü million aika Doyang nung arua anenzüker aser idak nungjagi ozütemji South Africa-i aoer.