Molumi

Molumi (Hell) iba O ya Anglo Saxon O nungi agizükba O. Ibai tasürtem alidak mesüra tasürtem tanela alidak ta amshia aru. Tawa-tanü English oshi nung ibai aibelener temerenshi agütsüdak ta amshir. Ibri O nung Sheol aser Grik O nung Hade, anapronglai manguba asür lima ta ashir. Tasen Lai ibai tamajunger alidak lima ta amshi mesüra tetsükba tenyar merenshidak ta amshi. “Kechiyong kodang kotak tenyartemi temenen mena, Tsüngremi parnok mapayu, saka molumi nung inok aser O bendangba anogo asoshi ayutsüsa, ongken tammang nung puok.” (2 Peter 2:4).
LAISHIBA : Molumiji Leper : T. Mapa 2:31 pai aji apitetta Khrista shia aruba indang jembi, oda pa tasü yim nung metoktsü mesüra pa mang shizüka moudaktsü.
J. Adok 20:13 Aser tzüyimi pei dak aliba tasürtem bendanga agütsü; aser nisung shia pei mapa amato O bendang. Aser tasüba aser tasü yimji molumi nung inok. Iba ya tanabuba tasüba, oda mi kangla.
Mat. 11:23 Aser Kapernaum, na anüng tonga mesotsü ama? Na tasü yimli alutsü kechiaser koba mapa tulu ne dak inyak Sodom nung inyak asübo, aji tanü tashi lila.
Mat. 13:42 Aser tamajung benshirtem anitentsü, aser misem nung puoktsü. Yangji ajepba aser tepu shitepba alitsü.
Luke 16:23 Aser pa tasü yim nung kanga kangshia alidang pai tenük sakloka reprang aser talang nung Abraham aser pa teku nung Lazar angu.
2 Peter 2:4 Kechiyong kodang kotak tenyartemi temenen mena, Tsüngremi parnok mapayu saka molumi nung inok aser O bendangba anogo asoshi ayutsüsa ongken tammang nung puok.
J. Adok 14:10,11 Tsüngrem ain adokba marok nung Pa ain adokba yi koba memeyoktep renema lir, aji paia ajemtsü. Aser temeshi kotak tenyartem madang san chanu madang mi aser mitsüktsü mozü agi pa kangshitsü. Aser parnok timtem mokozü teti tatem makai atur; aser shirnoki iba shiruru aser süngyanglu bilemer, aser pa tenüng temaitsü agizük, mangli sangwali parnok anisüngzük maka.
J. Adok 20:10 Aser parnok telakoktsüba mojingji, mi aser mitsüktsü mozü kangla nung, kong iba shiruru aser tiyazü ainkar alir, idakji puok aser parnok mangli sangwali teti tatem makai tekangshi alitsü.
MOLUMI-I YOKERTEM : T. Ken 9:17 Tsüngrem amadokba kina ajak tena tamajunger Sheoli alutsü.
Mathi 5:22 Saka ni nenok dang ashir, shibaisa pei adianu dang rasadir pa obendangba lendong nung alitsü aser shibaisa pei adianu dang, yiar, ta jadir pa mungdang tsüngdang lendong nung alitsü aser shibaisa na suwar ta shidir pa molumi lendong nung alitsü.
Mathi 23:15 Nenok tezulur aser Farisi, anemtem aiatai!… pa yamaji akümdang nenoki pa nenok anasü agi tali molumi chir kümdaktsür.
O Tsüngrem, ni molumi lendong nung malitsüsa Ne O ajanga ni kümdangdakjang. Amen.