Molungkimong Baptist Arogo nung kiyim lanu seminar agi

Dimapur, October 31 (TYO): Molungkimong Baptist Arogo nung kanga nüngdaka aliba kiyim lanu seminar ka arishi küm 50 nungi teküpok apuanitem asoshi ayongzüka agiogo.
Iba sentong nung lennir Rev Dr Taka Founder – President, North East Alliance for Leadership Education and Social Transformation (NEALEAST) Mokokchung ajanga “Kipong Lenisüba Rangpen Renlokdaktsüba” omen nung ajemdaker katsü.
Iba seminar nung shisa agütsürtemji-i Rev Dr Taka, Mrs. Moala Taka, Mr. M. Lima Longchar CTC, Dr K. Hesso Metro Hospital Dimapur aser Mr. Moaliba Pastor MBA nungertem liasü.
Lokti ka ajungtsü asoshi tamasa kibong yanglushitsü nüngdaker anungji kibong ka nung apuani tsüngda teinyaktsü aser temetettsü onüktem jembia kiyim lanu kipong 53 tangazükba jenti ngudaktsüogo.
Iba den Dr. K.Hesso Metro Hospital ajanga free medical checkup nung manemer nisung 64 temang repranga mozü angati agüja yaria liasü.
Molungkimong Baptist Arogo-i sentong nung yariteper ajak dang pelar aser Tsüngremi asen lennir Rev Dr Taka aser par kibong maneni Pa wadang asoshi amshiang ta sarasadema atar ta MBA-i sangdong ka nung metetdaktsü.