Molungyimsen Village Council-i teyariteper ajak dang pelar

Dimapur, August 13 (TYO): Asür Merennungsang’er jala asür Tasenjungla tepsetba atema aoksar aser temulung raksar ta Molungyimsen Village Council-i metetdaktsüogo.
Police-i lendong atalokba sülen mapang shitak nung aibelener bushiteta apuba atema tenüngsang agütsür aser ano civil society tem aser telok balalai kanga dang meranga asür Tasenjungla atema temeten bushitsüba atema kangasa pelar, ta MVC Chairman S. Tongzuk Tzudir aser Secretary T. Meren Jamir nati sangdong nung shia lir.
“Tsüngremi teyariteper ajak moajang ta sarasademtsür aser tarutsü nung tetsürtemi iba ama tia majurutsü atema ozüng amertemi aibelener dak ozüng tesashi agi merenshitsü akhanger,” ta tenatisa metetdaktsü.