Molvom yimdak Anemia Awareness sentong katsüogo

Medziphema, Rongjui/Sept.19, 2019 (TYO): Medziphema kübok Molvom yimtsüng nung September 19, 2019 Brehostibarnü Anemia Awareness aser Screening Camp den PMMVY Registration Camp sentong ayongzükja liasü.
Tang tagidak Poshan Maah benjongmung shilem ka ama, tainlonglong tetsürtem, mashisa alir aser mama yongdaktsür tetsürtem atema Health & Family Welfare aser School education den ICDS project Medziphema lungjemer Molvom yimdak community hall nung iba sentong ayongzük.
Sentong nung mashisa alir aser mama yongdaktsür alir tetsür 80 rongnung mezüng tanur bena alir tetsür 18, shirnok dena liasü, parnok Pradhan Mantri Matru Vandana Yojana (PMMVY) atema register süogo.
Sentong nung Dr. Michelle-i, anemia anepalutsü aser nokdangtsü aser iba den külemi temang merükmejua aser anema alitsü onük nung ajemdaker jembia liasü.

You must be logged in to post a comment Login